大家好！如果你準備第一次去韓國旅行，對「唱 WON」毫無概念，唔想蝕咁多手續費畀找換店同銀行… 以下 Online Heung Kung 將會為你介紹 3 招唱韓元慳錢大法！
▲ 以下為你介紹 3 招唱韓元慳錢大法
方法一 ) 香港換韓元後先去韓國
驚去到韓國無錢旁身，最簡單就係呢個方法，唔洗心掛掛去到韓國先搵兌換店。喺香港嘅銀行唱韓圜，大部分都要預早訂購，有啲麻煩… 所以直接搵找換店唱錢就至方便，而且匯率唔貴！
雖然輕鬆簡單，但其實係被收最多手續費嘅方法…建議 :
- (一) 睇多幾間找換店個匯率，幫襯手續費最平果間
- (二) 千祈唔好去到香港機場找換店先換，手續費貴好多…
小編推薦 : 多福找換匯款中心 – 目前觀塘 / 九龍灣 / 荔枝角 / 尖沙咀 都有分店。
▲ 香港找換店唱韓元後先去韓國
讚好《HOTSPOT》熱點！為您搜羅最香港熱門飲食、娛樂、優惠等資訊，讓你緊貼城中熱話！
方法二 ) 去到韓國先用櫃員機撳錢
韓國有好多提款機都係「Global ATM」，即係支援國際提款。提款機甚至有中文系統介面，唔需要擔心睇唔明。匯率雖然係抵，但有 4 個缺點…
- (一) 需要預早登入網上銀行開通「海外提款」先可以使用
- (二) 根據唔同銀行會有一次性收費，例如匯豐銀行嘅手續費為 HK$20
- (三) 最少提款額為 100 萬韓圜，即係大約 HK$6,500
- (四) 雖然當地很多提款機都是「Global ATM」，但並非每部都係，要搵到印有「Global ATM」嘅機先可以撳錢
▲ 小編每次都會去到韓國先用櫃員機撳錢
方法三 ) 去到韓國市區搵找換店唱錢
韓國遊客區有大量找換店，明洞、梨大、弘大、東大門都有，但明洞就至抵。比較有名果間就喺中國大使館前嘅轉角位，匯率數字清晰列出，唔洗擔心溝通問題！
時間 : 9am – 9:30pm (全年無休)
地址 : 首爾特別市中區明洞 2 街 105
交通 : 地鐵 4 號線「明洞」站 5 號出口步行約五分鐘
▲ 韓國市區搵找換店唱錢
最後，雖然小編覺得錢係慳得越多越好，但係去旅行就梗係要慳返啲時間去玩、去食、去觀光、去掃貨啦！如果唔係唱好多錢，其實可能只係掙一百幾十，因為當地好多找換店匯率相差唔會好遠… 所以其實只要合理就唔好諗咁多喇，唱錢去吃喝玩樂 SHOPPING 啦 !! XDDD
網上香工經營韓國時裝批發，香港本地及韓國團隊致力為客戶提供一站式韓國新貨源、新聞資訊、宣傳推廣、完善網上商店、代客戶寄貨及全面客服支援，讓您無需任何網上銷售經驗都可以成功發展屬於自己的網上個人事業！
